صیہونی پولیس کی بزرگ فلسطینی خاتون پر سرعام فائرنگ

(روز نامہ قدس ۔آنلائن خبر رساں ادارہ ) غاصب فوج کی جانب سے فلسطینیوں  پر قاتلانہ حملے کا الزام لگاکر قتل عام معمول کی بات  بن گیا ہے ، گذشتہ ماہ جون میں غاصب صیہونی سیکیورٹی فورسز کے ہاتھوں چار بچوں سمیت 21 فلسطینیوں کو شہید کیا جاچکا ہے۔

غیر قانونی صیہونی ریاست اسرائیل کے عبرانی ٹی وی چنل 12 کی رپورٹ کے مطابق اتوار کی شام کو صیہونی فوج نے مقبوضہ بیت المقدس کے شیخ جراح محلے میں لائٹ ریل اسٹیشن کے قریب 60 سالہ فلسطینی خاتون کو فائرنگ کر کے زخمی کردیا، غاصب فوج کی جانب سے جاری بیان میں  خاتون پر الزام عائد کیا گیا ہے کہ بزرگ خاتون نے اسرائیلی فوجیوں پر تیز دھار آلے سے قاتلانہ حملہ کیا جس کے جواب میں فائرنگ کرکے زخمی کیا گیا۔

سماجی رابطوں کی مختلف ویب سائٹ پر وائرل ہونےو الی ویڈیوز میں دیکھا جاسکتا ہے کہ  خاتون نہتی ہے  جبکہ ان پر فائرنگ  کرنے کا جواب قاتلانہ حملہ پیش کیا جارہا ہے۔