(روزنامہ قدس ۔آن لائن خبر رساں ادارہ) صیہونی فوج نے علی الصبح النجاح یونیورسٹی کے چار طالب علموں کو ان کے گھروں سے گرفتارکرکے نامعلوم مقامات پر منتقل کردیا جبکہ اہلخانہ کو وجہ گرفتاری بھی نہیں بتائی گئی۔
مقامی ذرائع کے مطابق علی الصبح قابض صیہونی فوج نے مقبوضہ بیت المقدس کے مختلف علاقوں میں چھاپہ مارکارروائی کرتے ہوئے النجاح یونیورسٹی کے چار طالب علم جہاد احمد ، مصعب استیتیہ ، مجاہد عاشور اور عمر المھدی کو ان کے گھروں سے گرفتار کرلیا ۔
ذرائع کا کہنا ہے کہ طالب علموں کو طلباء تنظیم سے تعلق رکھنے کے پر حراست میں لیا گیا ہے تاہم صیہونی حکام نے گرفتار طالب علموں کے اہلخانہ کو وجہ گرفتار سے آگاہ نہیں کیا اور ناہی ان کے حوالے سے کسی بھی قسم کی تفصیلات فراہم کی گئی ہیں ۔