صیہونی فوجیوں کے ہاتھوں ایک اور فلسطینی کی شہادت

(فلسطین نیوز۔مرکز اطلاعات) رپورٹ کے مطابق غاصب صیہونی فوجیوں نے زمین پر پڑے زخمی فلسطینی کے سر میں بہت قریب سے گولیاں ماریں۔ کہا جا رہا ہے کہ اپنی شہادت سے قبل مذکورہ فلسطینی نے اپنے ایک ساتھی کے ساتھ مل کر صیہونی فوجیوں پر چاقو سے حملہ کرنے کی کوشش کی تھی۔ صیہونی فوجیوں کی فائرنگ میں اس کا ساتھی شہید اور وہ خود زخمی ہو گیا تھا، تاہم صیہونی فوجیوں نے امدادی ٹیم کو جائے وقوعہ پر جانے اور زخمی فلسطنی کو اسپتال منتقل کرنے کی اجازت نہیں دی اور بعد ازاں اس کے سر میں گولیاں مار کر اسے شہید کر دیا۔ ان دونوں فلسطینیوں کی شہادت کے بعد، مقبوضہ فلسطینی علاقوں میں جاری تحریک انتفاضہ قدس کے دوران شہید ہونے والے فلسطینیوں کی تعداد، دو سو دس ہو گئی ہے۔ تحریک انتفاضہ قدس کا آغاز یکم اکتوبر دو ہزار پندرہ کو اس وقت ہوا تھا جب غاصب صیہونی حکومت نے مسجدالاقصی کے اسلامی تشخص کو مٹانے اور اس مقدس مقام کو تقسیم کرنے کی سازش کو عملی جامہ پہنانے کی کوشش شروع کی تھی اور صیہونی آبادکاروں کے ایک گروہ نے مسجدالاقصی حملہ کر دیا تھا۔