مقبوضہ بیت المقدس (روز نامہ قدس ۔آن لائن خبر رساں ادارہ) مقبوضہ مغربی کنارے کے مشرق میں واقع وادی اردن میں صیہونی آباد کاروں نے خلۃ العقدۃ اور السویدۃ کے مقام پر فلسطینیوں کی سیکڑوں قیمتی زرعی اراضی پر قبضہ کر لیا۔
روز نامہ قدس کو موصول ہونے والی اطلاعات کے مطابق انسانی حقوق کے کارکن عارف دراغمہ نے بتایا کہ صیہونی آباد کاروں نے فلسطینیوں کی مغصوبہ اراضی پر قبضے کے بعد اسے خار دار تاروں کی مدد سے بند کر دیا۔
خیال رہے کہ صیہونی آباد کاروں کی طرف سے فلسطینیوں کی قیمتی اراضی پر غاصبانہ قبضہ اور ان کی دیگر املاک غصب کرنا روز کا معمول بن چکا ہے۔ اسرائیلی فوج آئے روز وادی اردن میں مشقوں کی آڑ میں فلسطینی اراضی میں داخل ہو جاتی ہے جب کہ صیہونی آباد کاربھی اسرائیلی فوج اور پولیس کی فول پروف سیکیورٹی میں فلسطینیوں کی املاک پر قبضہ کر لیتے ہیں۔