اسلامی تحریک مزاحمت [حماس] کے سیاسی شعبے کے ڈپٹی چیئرمین ڈاکٹر موسیٰ ابو مرزوق نے بدھ کے روز تہران میں ایرانی صدر محمود احمدی نژاد سے ملاقات کی۔
ابو مرزوق نے ملاقات کے بعد کہا کہ غزہ میں حالیہ جنگ میں مزاحمت کی فتح نے تمام فلسطینیوں کو دکھا دیا ہے کہ مزاحمت ہی سے فتح حاصل کرنا ممکن ہے۔
انہوں نے خطے میں طاقت کے توازن کے سلسلے ہونے والی حالیہ تبدیلیوں کی طرف اشارہ کرتے ہوئے کہا کہ یہ تبدیلیاں مزاحمت کے حق میں ہیں۔ انہوں نے مزید کہا کہ” ہمیں محسوس ہوتا ہے کہ اب جہاد کا پھل کھانے کا وقت آ گیا ہے اور ہمیں مسلمانوں کو متحد کرنے کے لئے اپنی کوششوں کو تیز کرنا ہو گا”۔
حماس کے رہنما نے ایرانی حکام کے ساتھ مذاکرات میں ہونے والی مزید بات چیت کے بارے میں زیادہ تفصیل نہیں بتائی۔
بشکریہ:مرکز اطلاعات فلسطین