1948 کے مقبوضہ فلسطینی علاقوں میں کام کرنے والی جماعت اسلامی تحریک کے سربراہ شیخ رائد صلاح نے تمام فلسطینیوں، عربوں اور مسلمانوں سے مطالبہ کیا ہے کہ بیت المقدس اور مسجد اقصٰی کی حمایت میں سرگرمیوں منعقد کریں۔
شیخ رائد صلاح نے یہ بیان مسجد اقصٰی اور اس کے نمازیوں پر ہونے والے روزانہ کے حملوں پر بات کرتے ہوئے دیا۔ ان حملوں میں سب سے حالیہ حملہ منگل کی شام کو پیش آیا جب اسرائیلی فوج نے نمازیوں پر حملہ کردیا اور انہیں مسجد میں داخل ہونے سے روک دیا۔
شیخ صلاح نے عالم اسلام سے کہا کہ وہ بیت المقدس کی حمایت اور دفاع میں اپنی ذمہ داریوں کا احساس کریں اور انہوں نے علماء سے مطالبہ کیا کہ وہ مسجد اقصٰی کے دفاع کی خاطر سنجیدہ اقدامات اٹھائیں۔
الاقصٰی انتفاضہ کے 13 سال مکمل ہونے کے موقع پر کسی نئے انتفاضہ کی شروعات کے امکان پر بات کرتے ہوئے انہوں نے کہا کہ جب تک قابض صیہونی حکام اپنی جارحیت جاری رکھیں گے اس وقت تک تمام امکانات موجود ہیں۔
بشکریہ:مرکزاطلاعات فلسطین