قابض اسرائیل کی درندگی کا ایک اور دلخراش واقعہ سامنے آیا ہے۔ آج ہفتے کے روز مشرقی غزہ میں ایک فلسطینی نوجوان اسرائیلی سنائپر کی گولیوں سے زخمی ہونے کے بعد زخموں کی تاب نہ لاتے ہوئے شہید ہو گیا۔
مقامی ذرائع کے مطابق شہید ہونے والے نوجوان کی شناخت وسیم محمد ابو سکران کے نام سے ہوئی ہے جو گذشتہ روز مشرقی غزہ کے الشجاعیہ محلے میں قابض اسرائیلی سنائپر کے فائر سے شدید زخمی ہوا تھا۔
ذرائع نے بتایا کہ قابض اسرائیل کے نشانہ بازوں نے کل الشجاعیہ کے علاقے میں فائرنگ کر کے ایک شہری کو شہید اور دوسرے کو زخمی کر دیا تھا، جبکہ تین دیگر فلسطینی گذشتہ حملوں میں لگنے والے زخموں کے باعث دم توڑ گئے۔
یہ تازہ شہادتیں اس بات کا واضح ثبوت ہیں کہ قابض اسرائیل مسلسل جنگ بندی کی خلاف ورزی کرتے ہوئے نہتے فلسطینی شہریوں کو گولیوں کا نشانہ بنا رہا ہے۔
