عینی شاہدین نے بتایا کہ سوموار کوعلی الصباح نماز فجرکے وقت سیکڑوں یہودی آباد کار بسوں کے ذریعے عورتا کے مقام پر حضرت یوسف کے مزار پر دھاوا بولا۔ اس موقع پر اسرائیلی فوج اور پولیس کی بھاری نفری تعینات تھی۔
عینی شاہدین نے بتایا کہ یہودی آباد کار حضرت یوسف علیہ السلام کے مزار میں داخل ہوئے اور تلمودی تعلیمات کے مطابق مذہبی رسومات ادا کیں۔ یہودی آباد کاروں نے مزار پرموجود فلسطینیوں پرحملہ کیا جس کے نتیجے میں متعدد فلسطینی زخمی ہوئے۔ جواب میں فلسطینی شہریوں نے بھی یہودی آباد کاروں اور اسرائیلی پولیس پر سنگ باری کی۔ اسرائیلی فوج اور پولیس کے لاٹھی چارج سے متعدد شہری زخمی ہوگئے۔
ادھر نابلس میں اسرائیلی فوجیوں نے کینسر ے مریض فلسطینی اسیر بسام امین السائح کے مکان پر چھاپہ مارا اور گھر کی تلاشی کی آڑ میں توڑپھوڑ کی اور بچوں اور خواتین کو زدو کوب کیا۔