اسرائیلی حکام نے غزہ کی پٹی میں دوران جنگ زخمی ہونے والے فلسطینی نوجوان اور اس کی والدہ کو ترکی میں علاج سے واپسی پر بن گوریون ہوائی اڈے پر حراست میں لے لیا۔
انسانی حقوق کی ایک تنظیم "مرکز برائے انسانی حقوق” کی جانب سے جاری ایک بیان میں بتایا گیا ہے کہ 22 سالہ غسان ماہر سعید عبدالنبی اور اسکی والدہ صبیحہ عبدالنبی جمعرات کو ترکی سے ہوائی جہاز کے ذریعے بن گوریون ہوائی اڈے پہنچے تھے جہاں انہیں جہاز سے اترتے ہی حراست میں لے کر نامعلوم مقام پر منتقل کر دیا گیا ہے۔ دونوں ماں بیٹا دو غزہ کی پٹی میں زخمی ہونے کے بعد ترکی لے جائے گئے تھے جہاں وہ دو ہفتے اسپتال میں زیر علاج رہے۔
گرفتار ماں بیٹے کا تعلق شمالی غزہ کے علاقے بیت لاھیا سے ہے۔ اسرائیلی فوج کی بمباری کے نتیجے میں غسان ماہر کے پیٹ میں گولے کا ایک شیل لگا تھا جبکہ اس کی والدہ کی ٹانگ میں گولی لگی تھی۔