تنظیم آزادی فلسطین کے ایگزیکٹو کمیٹی کے دو اراکین نےغزہ میں مشرق وسطی کی خبر رساں ایجنسی کو بتایا کہ تنظیم آزادی فلسطین کے قائدین کا اٹھارہ فروری کو ہونے والا اجلاس مزید تین روز تک ملتوی کر دیا گیا ہے۔
قبل ازیںیہ اجلاس دو فروری کو ہونا تھا جسے ملتوی کر کے اٹھارہ فروری کو ہونا تھا کہ دوسری مرتبہ ملتوی کردیا گیا۔
تنظیم آزادی فلسطین (پی ایل او) کی ایگزیکٹو کمیٹی کی رکن حنا عمیرہ نے بتایا کہ اجلاس فلسطینی صدر محمود عباس کی رام اللہ میں بعض سیاسی مصروفیات کے بعد موخر کیا گیا ہے۔ حنا عمیرہ نے تنظیم آزادی فلسطین کےاجلاس میں حماس کی شرکت کی صورت میں دی جانے والی دھمکیوں کے متعلق بتایا کہ ایسی دھمکیاں کوئی نئی بات نہیں اس سے قبل صہیونی ریاست اس قسم کی دھمکیاں دیتا رہا ہے۔
پی ایل او کی قائدانہ فریم ورک کے رکن ڈاکٹر یاسر الوادیہ کا کہنا تھا کہ یہ اجلاس تین روز کے لیے موخر کیا گیا ہے، ان کا کہنا تھا کہ اجلاس صدر محمود عباس کی درخواست پر ملتوی کیا گیا ہے۔
یاسر الوادیہ نے بتایا کہ پی ایل او کے ان اجتماعات میں حماس اور فتح کے مابین مفاہمت کے نتیجے میں بنائی گئی کمیٹیوں کے کام کا جائزہ لیا جائے گا۔