مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی وزارت برائے ہاؤسنگ اور آباد کاری نے مقبوضہ بیت المقدس صیہونی آباد کاروںکے لیے مزید سیکڑوں مکانات کی تعمیر کا منصوبہ تیار کیا ہے۔
روز نامہ قدس کو موصول ہونے والی اطلاعات کے مطابق اسرائیلی اخبار ’’یدیعوت احرونوت‘‘ نے رپورٹ میں بتایا ہے کہ القدس میں صیہونی آباد کاروں کے لیے گھروں کی تعمیر کا اعلان انتخابی معرکے کا حصہ ہے۔ ان میں سے بعض مکانات گرین لائن سے باہر تعمیر کئے گئے ہیں۔
رپورٹ کےمطابق اسرائیلی حکومت گرین لائن سے باہر، بسغات زئیو اور راموت صیہونی آباد کاروں کے لیے 700 مکانات تعمیر کرنے کا فیصلہ کیا گیا ہے۔
رپورٹ کے مطابق القدس کی الفی منشیہ ، عمنوئیل اور آدام ، بیت اریہ اور معالیہ افرایم میں 260 مکانات تعمیر کرنے کا فیصلہ کیا گیا ہے۔
ادھر اسرائیلی وزیر خزانہ موشے کاحلون کا کہنا ہے کہ القدس کے جن علاقوں میں مکانات کی تعمیر کا فیصلہ کیا گیا ان میں پچھلے کچھ عرصے سے تعمیرات پر پابندی تھی۔ مگر اب وہاں پر بھی مکانات تعمیر کیے جائیں گے۔