اسلامی کانفرنس تنظیم کے جنرل سیکرٹری پروفیسر اکمل الدین احسان اوگلو نے یہودیوں کے ہاتھوں مسجد اقصیٰ کی بے حرمتی کے تازہ واقعات کی شدید مذمت کرتے ہوئے کہا ہے کہ یہ حملے اسرائیل کی القدس اور مسجد اقصیٰ کے خلاف منظم منصوبہ بندی کا حصہ ہے۔
قاہرہ میں ایک اخبار کو انٹرویو دیتے ہوئے انہوں نے کہا کہ یہودیوںکی جانب سے مسجد اقصیٰ پرحملہ اور اس کی بے حرمتی کوئی نیا واقعہ نہیں بلکہ یہ یہودی حکومت کی جانب سے بیت المقدس کو یہودیانے اور اسلامی شعائرکا مذاق اڑانے کی روز مرہ کی پالیسی کا حصہ ہے۔
اکمل الدین احسان اوگلو نے عالمی براردری سے مطالبہ کیا کہ وہ مسلمانوں کے مقدس مذہبی مقام کی یہودیوں کے ہاتھوں بے حرمتی کے واقعات کا سختی سے نوٹس لے اور اسرائیل کو جنیوا کنونشن کے تحت بنائے گئے قوانین کا پابند بنائے۔