ترکی کے دارلحکومت استنبول میں مقبوضہ بیت المقدس، فلسطینی مزاحمت اور جماعتوں کے ساتھ اظہار یکجہتی کے لئے "منبر آزادالقدس” نامی تنظیم کے زیر اہتمام شہر کے مرکز مسجد سلطان محمد الفاتح سے عظیم الشان احتجاجی ریلی نکالی گئی۔
مظاہرے کے شرکاء نے مکہ مکرمہ میں اسلامی تعاون تنظیم کے حالیہ غیرمعمولی اجلاس میں ہونے والے فیصلوں پر اپنی انتہائی مایوسی کا اظہار کیا کیونکہ ان میں صرف بیت المقدس کو یہودیانے کی حالیہ تیز رفتار کوششوں کی مذمت پر ہی اکتفا کیا۔
مظاہرین نے مزاحمت کے حق میں نعرے لگائے۔ انہوں نے اسلامی تحریک مزاحمت (حماس) اور عزالدین القسام بریگیڈ کو مبارکباد کا پیغام بھیجا۔ بہ قول مظاہرین اسرائیلی تسلط کے خلاف مزاحمت ہی ان کا مشن ہے اور امت کی کھوئی ہوئی معراج واپس لانے کا واحد طریقہ یہی ہے۔
ریلی کے شرکاء ہزاروں افراد نے مسجد سلطان محمد فاتح میں ایک بڑا بینر بھی لگایا جس پر”القدس کی آزادی امت کی آزادی”جلی حروف میں تحریر تھا۔ وہ امریکا اور اسرائیل کے خلاف شدید نعرے بازی کر رہے تھے۔ اس موقع پر "مبنر آزاد القدس” کے صدر محمد اشین نے خطاب کرتے ہوئےکہا کہ فلسطین، اراکان، شیشان اور شام میں روزنامہ مسلمانوں کا خون بہہ رہا ہے۔ انہوں نے کہ مسلمان ان ممالک میں انتہائی تنگی کی زندگی گزار رہے ہیں۔
انہوں نے کہا کہ القدس امت مسلمہ کی طاقت کا پیمانہ ہے۔ یہ صرف عربوں،اتراک اور فلسطینیوں کا مسئلہ نہیں بلکہ پوری امت کا مشترکہ مسئلہ ہے۔ انہوں نےاسرائیلی مظالم کی چکی میں پسنے والے فلسطینیوں کی مدد کی ضرورت پر زور دیتے ہوئے سارے مسلمانوں کو اپنی صفوں میں اتحاد پیدا کرنے کی ضرورت پر زور دیا تاکہ القدس کو صہیونی تسلط سے آزاد کرایا جا سکے۔