(روز نامہ قدس ۔آنلائن خبر رساں ادارہ ) قابض فوج اور فلسطینی نوجوانوں کے درمیان جھڑپوں میں درجنوں افراد تشدد کا نشانہ بنے جبکہ معصوم بچہ ربڑ کی گولیوں کی زد میں آگیا ۔
ذرائع کے مطابق گزشتہ روز مقبوضہ فلسطین کے شہر الخلیل کے وسط میں الشہدا اسٹریٹ کے داخلی راستے پر تعینات قابض فوج اور فلسطینی نوجوانوں کے مابین جھڑپوں میں متعدد فلسطینی تشدد کا نشانہ بنے جبکہ صہیونی فوج کی جانب سے ربڑ کی گولیوں کے فائر کیے گئے جس کی زد میں آکر ایک 15 سالہ بچہ ٹانگ میں گولی لگنے سے زخمی ہوگیا جسے فوری طبی امداد کے لیے ہسپتال منتقل کر دیا گیا جبکہ فلسطینی نوجوانوں نے بھی جوابی کارروائی کر تے ہوئے صہیونی فوج پر پتھراؤ کیا ۔