مغربی کنارے میں اسرائیلی حکام نے قلقیلیہ کے مشرقی علاقے میں ایک صنعتی یونٹس کو منہدم کر ڈالا ہے۔ صہیونی اہلکاروں کی جارحانہ کارروائی کا سبب اس مقام سے نایاب پتھر کو نکالنا ہے۔
مقامی ذرائع نے بتایا کہ اسرائیلی فوج کی درجنوں گاڑیوں اور بلڈوزروں نے ٹاؤن کے مرکزی داخلی راستہ بند کر کے علاقے کو اپنے گھیرے میں لے لیا جس کے بعد اسرائیلی بلڈوزروں نے عمارت کو گرانا شروع کر دیا۔ دیکھتے ہی دیکھتے ساری عمارت ملیامیٹ کر دی گئی ہے۔
مقامی افراد کے مطابق یہ فیکٹری ابراھیم حسین غنام نامی فلسطینی شہری کی زیر ملکیت تھی۔