اسرائیلی فوج نے غزہ کی سرحدوں پر تیاری کی حالت کا اعلان کردیا – یہ اعلان جنوبی غزہ میں نسلی باڑ کے قریب اسرائیلی فوج پر ’’ہاون ‘‘ راکٹ حملے کے بعد کیاگیا-
ذرائع کے مطابق متعدد اسرائیلی اہلکار’’ناح عوز ‘‘ فوجی اڈے سے جیپوں ، بلڈوزروں اور ٹینکوں کے ہمراہ نکلے اور انہوں نے شہداء قبرستان کے قریب پوزیشنیں سنبھال لیں- دوسری جانب اسرائیلی ذرائع کے مطابق تیاری کی حالت کا اعلان ایسے موقع پر کیا گیا ہے جب یہودی آبادکار غزہ سے اسرائیلی فوجی انخلاء کے چار سال مکمل ہونے کے موقع پر احتجاجی مظاہرے کی تیاریاں کررہے ہیں – واضح رہے کہ یہودی آبادکاروں نے غزہ سے یکطرفہ اسرائیلی انخلاء کے چار سال مکمل ہونے کے موقع پر کیسوفیم آبادی میں بڑے احتجاجی مظاہرے کا اعلان کیا ہے-