(روزنامہ قدس ۔آنلائن خبر رساں ادارہ ) مقبوضہ فلسطین کی مزاحمتی تحریک نے کہا ہے کہ صیہونی ریاست ایک دہشتگرد ریاست ہے جو اپنی ناکامیاں چھپانے کیلئےفلسطین پر جنگ اور جارحیت مسلط کررہی ہے فلسطینی ایک بہادر قوم ہے جو اسرائیلی مظالم کے آگے کبھی ہتھیار نہیں ڈالے گی ۔
مقبوضہ فلسطین کے محصور شہر غزہ میں غیر قانونی صیہونی ریاست اسرائیل کے مظالم کے خلاف برسرپیکار مزاحمتی تحریک اسلامی جہاد کے ترجمان نے کہا ہے کہ غزہ کے طویل غیر قانونی محاصرہ جاری رکھتے ہوئے شہر میں تعمیر نو میں رکاوٹ ڈال رہا ہے جو اپنی فوجی ناکامی چھپانے کی بدترین کوشش ہے ، انھوں نے کہا کہ قابض دشمن کی دہشتگردی اور جارحیت جنگ میں اپنی سلامتی اور فوجی ناکامی کو چھپانے کی کوشش ہمارے لوگوں کو بلیک میل کرنے اور دباؤ ڈالنے کےزمرے میں آتی ہےفلسطین کی مزاحمتی قوتیں قابض اسرائیل کو اپنی ناکامی کو چھپانے کے لیے محاصرے کو استعمال کرنے کی اجازت نہیں دے گی۔
"سیف القدس‘‘معرکے کے دوران اسرائیلی قابض فوج کی فوجی اور سیکیورٹی ناکامی کے بارے میں جو میڈیا رپورٹس سامنے آئی ہیں وہ اس فوج کی نااہلی کا ثبوت ہے۔انہوں نے کہا کہ یہ رپورٹیں ایک زبردست مذمت ہے جو معصوم شہریوں کے خلاف ان کے جرائم کی گواہی دیتی ہے۔ فلسطینیوں کے قتل عام اور اس کی نا اہلی اور ناکامی کو چھپانے کی کوشش اور ایک فریب انگیز فتح کی تصویر حاصل کرنے کی کوشش ہے۔ مگر ہم اسرائیل کو غزہ کی پٹی کے محاصرے کو اپنی ناکام چھپانے کے لیے استعمال کرنے کی اجازت نہیں دیں گے۔