(روز نامہ قدس ۔آنلائن خبر رساں ادارہ ) پاکستان علماء کونسل کی اپیل پر آج پاکستان بھر میں یوم فلسطین منایا جارہا ہے، قابض صیہونی ریاست اسرائیل کی نہتے فلسطینیوں پر وحشیانہ بمباری اور دہشتگردی کے خلاف ملک کےچھوٹے بڑے شہروں میں احتجاجی مظاہرے کیے جارہےہیں۔
گذشتہ روز وزیراعظم کے خصوصی نمائندے حافظ طاہر اشرفی نے عربی زبان میں مظلوم فلسطینیوں کے حق میں مسلم امہ کےنام پیغام میں کہاہےکہ عالمی دہشتگرداسرائیل کے خلاف پاکستانی قوم بھر پوراحتجاج کرے گی، انھوں نے کہا کہ قوم اور حکومت اہل فلسطین کے ساتھ ہیں، اوآئی سی اسرائیلی جارحیت کےخلاف فوری اقدامات کرے۔
اپنے پیغام میں انھوں نے مظلوم کشمیریوں اور فلسطینوں کی مکمل تائید و حمایت کے ساتھ ساتھ فلسطینی اور کشمر یوں پر ہونے والے مظالم کی بھرپور مذمت اور اسلامی تعاون تنظیم سے فوری اقدامات اٹھانے کا بھی مطالبہ کیا۔