(روز نامہ قدس ۔آنلائن خبر رساں ادارہ )اراکین قومی اسمبلی نے پاکستان میں اقوام متحدہ کے نمائندے کو صیہونی ریاست کے جنگی جرائم کی تحقیقات کیلئے انتظامات کرنے کی یادداشت پیش کردی۔
ڈپٹی اسپیکر قومی اسمبلی قاسم خان سوری قومی اسمبلی میں قائد حزب اختلاف میاں شہباز شریف، اراکین قومی اسمبلی راجہ پرویز اشرف، مولانا اسد محمود اور عندلیب عباس سیمت دیگر نے پاکستان میں اقوام متحدہ کے نمائندے کو ایک یادداشت پیش کی ہے جس میں اقوام متحدہ کے سیکرٹری جنرل سے اسرائیلی افواج کے ہاتھوں فلسطینیوں کی نسل کشی کی تحقیقات کے انتظامات کرنے کا مطالبہ کیا گیا ہے۔
واضح رہے کہ قابض صیہونی ریاست اسرائیل کی جانب سے مقبوضہ فلسطین کے محصور شہر پر گیارہ روز تک وحشیانہ بمباری کی گئی جس کےنیتجےمیں 63 بچوں 36 خواتین اور 16 ضعیف العمر افراد سمیت 250 سے زائد فلسطینی شہید، ڈیڑھ ہزار سے زائد زخمی ہوئے، 45 مساجد اور 4 گرجا گھر 14 اسکول ایک کالج میڈیا کے زیر استعمال ایک کثیر المنزلہ عمارت اور سیکڑوں رہائشی مکانات تباہ ہوئے