(روز نامہ قدس ۔آنلائن خبر رساں ادارہ ) ملاقات میں آئی ایس او کےصدرعارف حسین نےکہا کہ مسئلہ فلسطین کو اجاگر کرنے میں نوجوانوں کا کردار قابل تحسین ہے۔
امامیہ اسٹوڈنٹس آرگنائزیشن پاکستان کے مرکزی صدرعارف حسین کی جانب سے گذشتہ روزفلسطین فاؤنڈیشن پاکستان کے وفد کو لاہورمیں تنظیم کےمرکزی دفترمیں استقبالیہ دیا گیا جس میں فلسطین فاؤنڈیشن کے سیکرٹری جنرل ڈاکٹر صابر ابو مریم کی سربراہی میں عثمان محی الدین اوردیگر وفد کے ارکان نے شرکت کی۔
فلسطین فاؤنڈیشن پاکستان کے وفد نےآئی ایس او کےمرکزی صدر سے ملاقات کی اور مسئلہ فلسطین سے متعلق اہم امور پر تبادلہ خیال کیا۔
ملاقات میں آئی ایس او کےصدرعارف حسین نےکہا کہ مسئلہ فلسطین کو اجاگر کرنے میں نوجوانوں کا کردار قابل تحسین ہے۔
دونوں رہنماؤں نے نوجوانوں کے ابھرتے ہوئے کردار کو سراہا اور اتفاق کیا کہ باہمی کوششوں اور تعاون سے نوجوانوں تک مسئلہ فلسطین اور مسئلہ کشمیر سے متعلق آگاہی کے عمل کو تیز کیا جائے ۔