(روز نامہ قدس ۔آنلائن خبر رساں ادارہ ) بھارتی اہلکاروں پریوں غیر متوقع اور اچانک کیے گئے اس حملے سے فوجی بوکھلاہٹ کا شکار ہوکر بھاگ کھڑے ہوئےاور کشمیریوں کے گھروں میں تلاشی کا یہ سرچ آپریشن کچھ گھنٹوں کے لیے روک دیا گیا۔
ذرائع کے مطابق مقبوضہ کشمیر کے پونچھ سیکٹر میں گذشتہ روزقابض بھارتی اہلکاروں کی جانب سے نامعلوم افرادکے خلاف شروع کیے گئے سرچ آپریشن کے دوران مسلح افراد نے بھارتی فوج کے داخلی اور خارجی راستوں کے بند کیے جانے کے بعد فوج کو ہی اس محاصرے میں لیتے ہوئے دھاوا بول دیا جس کے نتیجے میں پانچ بھارتی فوجی شدید زخمی ہونے کے بعد جہنم واصل ہوگئے۔
بھارتی اہلکاروں پریوں غیر متوقع اور اچانک کیے گئے اس حملے سے فوجی بوکھلاہٹ کا شکار ہوکر بھاگ کھڑے ہوئےاور کشمیریوں کے گھروں میں تلاشی کا یہ سرچ آپریشن کچھ گھنٹوں کے لیے روک دیا گیا۔
بھارتی وزارت دفاع کی جانب سےکہا گیا ہے کہ ہلاک ہونے والے اہلکاروں کی لاشوں کو ضروری کارروائی کے بعد آبائی گاؤں روانہ کردیا گیا جبکہ مزید نفری کوبھیج دیا جائے گا۔
واضح رہے کہ آج ہی باندی پورہ اور اننت ناگ میں سرچ آپریشن کے دوران قابض بھارتی فوج نے فائرنگ کرکے دو نوجوانوں کو شہید کردیا تھا اس طرح تین روز میں شہید ہونے والے نوجوانوں تعداد 5 ہوگئی۔