(روز نامہ قدس ۔آنلائن خبر رساں ادارہ ) کراچی ( ) فلسطین فاؤنڈیشن پاکستان نے مظلوم فلسطینیوں سے اظہار یکجہتی کے لئے 27 نومبر کو کراچی میں یکجہتی فلسطین سائیکل ریلی نکالنے کا اعلان کیا ہے۔
یکجہتی فلسطین سائیکل ریلی کا آغاز سہہ پہر تین بجے کراچی میں شاہراہ فیصل نرسری اسٹاپ سے شروع ہو کر کراچی پریس کلب پر اختتام پذیر ہو گی۔
فلسطین فاؤنڈیشن پاکستان کے مرکزی دفتر سے جاری ہونے والے بیان میں کہا گیا ہے کہ یکجہتی فلسطین سائیکل ریلی میں ملک کی تمام سیاسی و مذہبی جماعتوں کے قائدین، سول سوسائٹی، انسانی حقوق کی تنظیمیں، وکلاء برادری، صحافی اور تمام شعبہ ہائے زندگی سے تعلق رکھنے والے افراد اور نوجوانوں کی بڑی تعداد شریک ہو گی۔
فلسطین فاؤندیشن پاکستان نے عوام سے اپیل کی ہے کہ یکجہتی فلسطین سائیکل ریلی کو کامیاب بنانے کے لئے عوام اس ریلی میں بھرپور شرکت کریں اور فلسطین پر قائم صہیونیوں کی غاصب ریاست اسرائیل کے خلاف صدائے احتجاج بلند کرتے ہوئے مظلوم فلسطینیوں کی حمایت کریں۔