(روز نامہ قدس ۔آنلائن خبر رساں ادارہ ) شاہد آفریدی نے کہا ہے کہ اسرائیل کی فلسطینیوں کے خلاف یہ کھلی دہشت گردی ہے۔
تفصیلات کے مطابق غزہ میں اسرائیل کی جانب سے مسلسل بمباری کے باعث سینکڑوں بے گناہوں فلسطینیوں کی شہادت جن میں بچے بھی ہیں ساتھ ہی ہزاروں گھروں کی مسماری اور لاتعداد زخمیوں کے ساتھ اظہار یکجہتی کے لیے معروف کرکٹ اسٹار بین الاقوامی شہرت یافتہ کھلاڑی شاہد خان آفریدی بھی میدان میں آگئے۔
شاہد خان آفریدی نے فلسطینی مظلوموں کے ساتھ یکجہتی کا اظہار کیا، اپنی بیٹی کے ہمراہ فلسطین کے جھنڈے اٹھائےاور کار میں سفر کے دوران فلسطینی جھنڈا لہرایا۔
شاہد خان آفریدی نے پیغام دیا ہے کہ وہ اسرائیلی جارحیت کو بین الاقوامی سطح پرکھلی دہشتگردی قرار دیتے ہیں اور اسرائیل کےاس ظلم کے خلاف فلسطینی بھائیوں کے ساتھ ہیں۔