(روز نامہ قدس ۔آنلائن خبر رساں ادارہ ) شاہ محمود قریشی نے کہا ہے کہ فلسطینیوں پر اسرائیلی وحشیانہ بمباری نے ان لوگوں کو جھنجھوڑ دیا جو باہر بیٹھے ہیں، دنیا بھر میں اسرائیلی حملوں پر ردعمل کی توقع نہیں تھی۔
فلسطین کے مسئلے پر اقوام متحدہ کی جنرل اسمبلی (یو این جی اے) کے 193 رکنی ہنگامی اجلاس کے بعد ترکی کے ٹیلیویژن چیننل ‘ٹی آر ٹی’ پر نشر ہونے والے ایک انٹرویو میں شاہ محمود قریشی نے کہا کہ فلسطین پر اسرائیل کی جارحیت کے حالیہ واقعات نے ان لوگوں کو جھنجھوڑ دیا جو باہر بیٹھے ہیں، انہوں نے کہا کہ دنیا بھر میں اسرائیلی حملوں پر ردعمل کی توقع نہیں تھی۔
وزیر خارجہ شاہ محمود قریشی نے زور دے کر کہا ہے کہ اقوام متحدہ کی سلامتی کونسل (یو این ایس سی) اب فلسطن کے مسئلے کو ’نظر انداز‘ کرنے کی پوزیشن میں نہیں ہے اور اس کو فیصلہ لینا پڑے گا۔
انہوں نے کہا کہ کسی کو بھی توقع نہں تھی کہ اسلامی تعاون کونسل (او آئی سی) اور عرب لیگ عملی طور پر فعال ہوجائیں گی، نان الائن موومنٹ متحرک ہوجائے گی اور اس کے نتجےمیں جنرل اسمبلی کا خصوصی ہنگامی اجلاس ہوگا۔
یو این جی اے، یو این ایس سی اور اقوام متحدہ کی سلامتی کونسل کی جانب سے اٹھائے جانے والے اقدامات سے متعلق سوال کے جواب میں شاہ محمود قریشی نے کہا کہ انہں سب سے پہلے جنگ بندی کرانے کی ضرورت ہے۔