(روزنامہ قدس ۔آن لائن خبر رساں ادارہ) شاہ محمود قریشی نے اقوام متحدہ کے جنرل سیکرٹری اور صدر سلامتی کونسل کو خط میں وادی میں مہینے بھر سے جاری بھارتی فوجی کریک ڈاؤن کے نتیجے میں درجنوں کشمیریوں کی قیمتی جانوں کے زیاں کی طرف توجہ مبذول کرائی۔
ذرائع کے مطابق گذشتہ روزوزیر خارجہ شاہ محمود قریشی کی جانب سےمقبوضہ جموں و کشمیر پر بھارتی تسلط کے خلاف یوم سیاہ کے موقع پر اقوام متحدہ کے جنرل سیکرٹری اور صدر سلامتی کونسل کو خط ارسال کیا جس میں انہوں نے وادی میں مہینے بھر سے جاری بھارتی فوجی کریک ڈاؤن کے نتیجے میں درجنوں کشمیریوں کی قیمتی جانوں کے زیاں کی طرف توجہ مبذول کراتے ہوئے گہری تشویش کااظہار کیا اور مقبوضہ کشمیر میں انسانی حقوق کی کھلی خلاف ورزیوں پر اقوام متحدہ سے بھارتی جارحیت کا نوٹس لینے کا مطالبہ کیا ۔
یاد رہے کہ پاکستان نے مقبوضہ کشمیر میں جاری بھارتی بربریت پر گزشتہ ماہ ڈوزیئر کے ذریعے بھی اقوام متحدہ کی توجہ مبذول کرائی تھی۔