(روزنامہ قدس ۔آن لائن خبر رساں ادارہ) محصور کشمیریوں پر ہونے والے مظالم کو بھارت آسانی سے منظرعا م پر آنے سے روکتا رہا ہےجس کے باعث کشمیری بدترین بھارت کے ہاتھوں استحصال سےدو چار ہے۔
تفصیلات کے مطابق گذشتہ روز مقبوجہ کشمیر کے علاقے سری نگر میں قابض بھارتی فوج نے گھر گھر تلاشی کی پر تشدد کارروائی کے دوران کشمیری علاقہ مکینوں کو وحشیانہ تشدد کا نشانہ بنایا اورعلاقے میں دہشت پھیلانے کے لیے 4 نوجوانوں کوفائرنگ کر کے شہید کردیا۔
عینی شاہدین کے مطابق قابض بھارتی اہلکاروں نے علاقے میں طاقت کا بھرپور استعمال کر تے ہوئے شدید فایرنگ کی اور سرچ آپریشن کے دوران لوگوں کو ان کے گھروں سے باہر نکال کر کھڑا کر دیا، ان افراد میں قابض فوج نے 4 نوجوانوں پر بغیر کسی جرم کےفائرنگ کر دی جس کے نتیجے میں موقع پر ہی نوجوانوں کی شہادت ہوگئی۔
واضح رہے کہ گذشتہ ماہ اکتوبر سے اب تک 25 کشمیر ی شہید کیے جاچکے ہیں، بھارتی حکام نے مقبوضہ کشمیر میں تاحال داخلی اور بیرونی راستوں پر رکاوٹیں لگا رکھی ہیں جس کے باعث محصور کشمیریوں پر ہونے والے مظالم کو بھارت آسانی سے منظر عام پر آنے سے روکتا رہا ہےاوردنیا بھارت کے ہاتھوں کشمیریوں کی نسل کشی سے تاحال بے خبر ہے۔