(روز نامہ قدس ۔آنلائن خبر رساں ادارہ ) پاکستان کی جانب سے پیش کردہ قرارداد میں کہا گیا ہے کہ مستقل آزادانہ تحقیقاتی کمیشن قائم کیا جائے گا جو 11 روز تک جاری رہنے والی اسرائیلی بمباری اور حماس کے میزائل حملوں کے دوران غزہ، مغربی کنارے، مقبوضہ بیت المقدس اور اسرائیل میں مبینہ انسانی حقوق کی خلاف ورزیوں کا جائزہ لیکر رپورٹ مرتب کرے گا۔
سوئٹزر لینڈ کے شہر جینوامیں ہونےو الے اقوام متحدہ کی انسانی حقوق کونسل کا اجلاس منعقد ہوا جس میں اسلامی ممالک کی تنظیم (او آئی سی) کے توسط سے پاکستان کی جانب سے مقبوضہ فلسطین کے محصور شہر غزہ میں صیہونی ریاست اسرائیل کی بمباری کے دوران انسانی حقوق کی خلاف ورزیوں اور جنگی جرائم سے متعلق عالمی تحقیقات کے لیے کمیشن قائم کرنے کی قرارداد کو پیش کیا گیا ، قراداد میں کہا گیا ہے کہ مستقل آزادانہ تحقیقاتی کمیشن قائم کیا جائے گا جو 11روز تک جاری رہنے والی اسرائیلی بمباری اور حماس کے میزائل حملوں کے دوران غزہ، مغربی کنارے، مقبوضہ بیت المقدس اور اسرائیل میں مبینہ انسانی حقوق کی خلاف ورزیوں کا جائزہ لیکر رپورٹ مرتب کرے گا۔
واضح رہے کہ پاکستان کی جانب سے اقوام متحدہ کی انسانی حقوق کونسل کے اجلاس میں آزادانہ تحقیقاتی کمیشن کے قیام کیلئے پیش کی گئی تھی، قرارداد کے حق میں 24 ووٹ دیے گئے اور مخالفت میں صرف 9 ووٹ آئے جب کہ بھارت سمیت دیگر 14ممالک نے ووٹنگ میں حصہ نہیں لیا۔