(روزنامہ قدس ـ آنلائن خبر رساں ادارہ) ترجمان دفتر خارجہ نے مذمتی بیان میں کہا ہے کہ قابض صہیونی پارلیمنٹ کی جانب سے مقبوضہ مغربی کنارے پر خودمختاری کی کوشش بین الاقوامی قوانین کی سنگین خلاف ورزی ہے۔
دفتر خارجہ کا کہنا تھا کہ سفاک و ظالم حکومت فلسطینی قوم کے حقوق کو مسلسل پامال کر رہی ہے یہ یکطرفہ اقدامات امن کی کوششوں کو نقصان پہنچا رہے ہیں یہ اقدامات خطے کے استحکام کے لیے سنگین خطرہ ہیں۔
دفتر خارجہ نے مزید کہا کہ پاکستان عالمی برادری سے قابض ریاست کو جوابدہ بنانے کا مطالبہ کرتا ہےجابر صہیونی حکومت کے انسانیت دشمن اقدامات فلسطین کی حیثیت کو تبدیل نہیں کر سکتے۔
دفتر خارجہ کا کہنا تھا کہ آزاد فلسطینی ریاست کا قیام ہی دنیا کے امن کے لیے واحد پائیدار حل ہے پاکستان فلسطینی عوام کے حقِ خودارادیت کی مکمل حمایت کرتا ہے۔
واضح رہے کہ گزشتہ روزقابض اسرائیل نے ایک اور متنازع قدم اٹھاتے ہوئے اپنی پارلیمنٹ میں مغربی کنارے پر قبضے کی قرارداد منظور کی تھی۔
