امریکی صدر کو امن کا پیامبر کہنا ظلم ہے۔ فلسطین فاونڈیشن پاکستان

( روزنامہ قدس ـ آنلائن خبر رساں ادارہ)فلسطین فاونڈیشن پاکستان کے سرپرست اراکین بشمول جماعت اسلامی کے نائب امیر مسلم پرویز، سابق اراکین سندھ اسمبلی محفوظ یار خان ، میجر (ر) قمر عباس، پاکستان تحریک انصاف کے رہنما اسرار عباسی ، مجلس وحدت مسلمین سندھ کے صدر علامہ باقر زیدی، عوامی نیشنل پارٹی کے رہنما یونس بونیری، جمعیت علمائے پاکستان کے رہنما علامہ قاضی احمد نورانی اور فلسطین فائونڈیشن پاکستان کے سیکرٹری جنرل ڈاکٹر صابر ابو مریم نے اپنے مشترکہ بیان میں وزیر اعظم شہباز شریف کے ان خیالات کی سخت مذمت کی ہے کہ جس میں انہوں نے امریکی صدر ڈونالڈ ٹرمپ کو امن کا پیامبر قرار دیا ہے ۔

رہنمائوں نے کہا ہے کہ غزہ میں ہزاروں بے گناہ بچوں کو قتل کرنے میں امریکی حکومت براہ راست ملوث ہے۔ ٹرمپ غاصب صیہونی حکومت اسرائیل کی مدد کر رہا ہے اور پاکستان کے وزیر اعظم ان کو امن کا پیامبر قرار دے رے ہیں جو کہ انتہائی نا انصافی اور ظلم پر مبنی ہے۔