(روز نامہ قدس ۔آنلائن خبر رساں ادارہ ) سیّد علی گیلانی کے بیٹے ڈاکٹر نسیم گیلانی نے خبروں کی تردید کرتے ہوئے بتایا کہ ان خبروں میں کوئی حقیقت نہیں ہے۔
ذرائع کے مطابق گزشتہ روز مقبوضہ کشمیر میں کل جماعت حریت کانفرنس کے سینئر رہنما سیّد علی گیلانی کے بیٹے ڈاکٹر نسیم گیلانی کی جانب سے ان کے والد کی وفات کے حوالے سے گردش کر نے والی خبروں کی تردید کردی گئی ہے ۔
تفصیلات کے مطابق سیّد علی گیلانی کے بیٹے ڈاکٹر نسیم گیلانی نےوالد کے حوالے سے ان خبروں کو بے بنیاد قرار دیتے ہوئے بتایا کہ ان خبروں میں کوئی حقیقت نہیں ہےاور میرے والد کی طبیعت ٹھیک ہےتاہم انہوں نے والد کی صحت یاب زندگی اور جدوجہد کشمیر کے لیے دعا کی اپیل کی ہے ۔
واضح رہے کہ مقبوضہ کشمیر کے سینئر حریت رہنما سیّد علی گیلانی کی تمام زندگی کشمیر کی آزادی کی جدو جہد میں کام کر تے گزری ہے۔