(روز نامہ قدس ۔آنلائن خبر رساں ادارہ ) قابض بھارتی فوج کی ریاستی دہشت گردی کے ہاتھوں بےگناہ کشمیریوں کی شہادتیں جاری جبکہ نام نہاد سرچ آپریشن کی آڑ میں بھی شہریوں کا خون بہایا جارہا ہے ۔
ذرائع کے مطابق گزشتہ روز مقبوضہ کشمیر کے ضلع کلگام میں قابض بھارتی فوج کےنام نہاد سرچ آپریشن کے دوران فائرنگ سے 3 بےگناہ کشمیری نوجوانوں کو شہید کردیا گیا ۔
اب تک کی اطلاعات کے مطابق بھارتی فوج کے سرچ آپریشن کے دوران اندھا دھند فائرنگ کے نتیجےمیں ضلع شوپیاں میں بھی بھارتی فوج کی فائرنگ کی زد میں آکر کشمیری نوجوان شہید ہوئے ۔
واضح رہے کہ مقبوضہ جموں وکشمیر کے مختلف علاقوں میں قابض بھارتی فوج کی شدت پسندانہ کارروائیوں کے نتیجے میں رواں ہفتے 10کشمیری شہید ہو چکے ہیں تاہم اب بھی علاقے میں سرچ آپریشن جاری ہے۔