مسئلہ فلسطین دنیا کے تمام مسائل میں سب سے اہم مسئلہ ہے ۔ محمد ذبیر

کراچی(روز نامہ قدس ۔آن لائن خبر رساں ادارہ)فلسطین فاؤنڈیشن پاکستان کے زیر اہتمام منعقدہ القدس کانفرنس سے خطاب کرتے ہوئے سابق گورنر سندھ اور پاکستان مسلم لیگ نواز کے سینئر رہنما محمد زبیر نے کہا کہ فلسطین کا معاملہ ہمارے دل کے قریب ہے، عرب دنیا نے امریکہ و اسرائیل کے آگے گھٹنے ٹیک رکھے ہیں۔دفتر خارجہ مسئلہ فلسطین کو اٹھانے میں کردار ادا کرے۔حکومت یوم القدس کو سرکاری سطح پر منانے کا اعلان کرے ۔اسرائیل کیساتھ عرب ممالک کے تعلقات ہیں۔ انہوں نے کہا کہ ایران کو روکنے کے لئے مسلم امہ نے اسرائیل کیساتھ تعلقات بحال رکھے ہوئے ہیں۔ محمدزبیر کا مزید کہنا تھا کہ اگر ہم مسئلہ فلسطین کو اٹھائیں گے تو ہم کشمیر کے مسئلے کو بھی عالمی سطح پر بہتر اٹھا سکتے ہیں۔انہوں نے کہا کہ ہمارے لئے فلسطین قبلہ اول کی وجہ سے اہم ہیاور پاکستانی دفتر خارجہ کو چاہیے کہ فلسطین کے موضوع کو عالمی سطح پر اُٹھائے۔