(روزنامہ قدس ۔آن لائن خبر رساں ادارہ) وفاقی وزیر برائے ہوا بازی نے کہا ہے کہ پاکستان اور فلسطین مضبوط اور تاریخی تعلقات رکھتے ہیں، مظلوم فلسطینی عوام کے شانہ بشانہ کھڑے ہیں۔
اسلام آباد میں بین الاقومی یوم یکجہتی فلسطین کانفرنس سے خطاب کرتے ہوئے وفاقی وزیر برائے ہوا بازی غلام سرور خان نے کہا ہے کہ آزاد فلسطین کے قیام کی مکمل حمایت کرتے ہیں، عالمی برادری کو مغربی کنارے میں اسرائیلی آبادکاری کی پالیسی کو ختم کروانے کے لئے اپنا موثر کردار ادا کرے ۔
انھوں نے کہا کہ پاکستان آزاد فلسطین کے قیام کی مکمل حمایت کرتا ہے، پاکستان اور فلسطین مضبوط اور تاریخی تعلقات رکھتے ہیں، پاکستانی پائلٹوں ن1967 ء اور1973 کی عرب اسرائیل جنگ میں حصہ لیا تھا، پاکستان نے پی ایل او کو فلسطین کا واحد نمائندہ تنظیم کے طور پر تسلیم کیا۔