فلسطین میں ہونے والی انسانی حقوق کی پامالی سے ہر دل دُکھی ہے۔ فاروق ستار

کراچی(روز نامہ قدس ۔آن لائن خبر رساں ادارہ)فلسطین فاؤنڈیشن پاکستان کے زہر اہتمام اتوار کے روز کراچی کے مقامی ہوٹل میں منعقدہ القدس کانفرنس سے خطاب کرتے ہوئے سینیر سیاستدان اور سابق رکن قومی اسمبلی فاروق ستار نے کہا ہے کہ فلسطین میں انسانیت پر ڈھائے جانے والے مظالم پر ہر آنکھ اشک بار ہے۔ حکومت پاکستان فلسطین کاز کی بھرپور حمایت کرے۔جمعة الوداع یوم القدس کو سرکاری سطح پر منانے کی قرار داد کی مکمل حمایت کرتے ہیں ۔فلسطینی ہمارے بھائی ہیں ، ہم فلسطینیوں کے ساتھ ہیں ۔ ہم فلسطین کے مظلومین پر ہونےوالے اسرائیلی مظالم پر خاموش نہیں رہ سکتے۔ ان کا کہنا تھا کہ عالمی طاقتیں اپنے ناپاک عزائم کی تکمیل چاہتی ہیں۔ مسلم دنیا کے حکمران اتحاد و یکجہتی کے ذریعہ فلسطین کو آزاد کروائیں۔ ان کا کہنا تھا فلسطین فلسطینیوں کا ہے اور ہم فلسطین کے عوام کے تمام بنیادی حقوق کے لئے اپنی آواز اٹھاتے رہیں گے۔ فلسطین سے ہمارا مذہبی سماجی اور انسانی رشتہ قائم ہے ۔ انہوں نے مزید کہا کہ حکومت پاکستان کو چاہئیے فلسطین کاز کی بھرپور حمایت کرے۔ انہوں نے حکومت سے مطالبہ کیا کہ یوم القدس کو سرکاری سطح پر منانے کی کی مناسبت سے پیش ہونے والی قرارداد کی متفقہ طور پر حمایت کا اعلان کیا ۔ انہوں نے کہا کہ فلسطینی ہمارے بھائی ہیں اور ہم ان کے ساتھ ہیں ۔ اسرائیل کا وجود ناجائز ہے قائد اعظم نے بھی اسرائیل کو مسترد کیا تھا اور ہم بھی مسترد کرتے ہیں ۔ کانفرنس میں سابق گورنر سندھ محمد ذبیر ، امیر جماعت اسلامی سینیٹر سراج الحق ، صابر ابو مریم سمیت تمام مذہبی و سیاسی جماعتوں کے قائدین شریک تھے۔