(روزنامہ قدس ۔آن لائن خبر رساں ادارہ ) آئن لائن ویڈیو کانفرنس میں پاکستان بھر سے ہر شعبہ زندگی سے تعلق رکھنے والے نوجوانوں نے شرکت کی۔
24 جولائی بروز جمعہ کو پاکستان کے معیاری وقت کے مطابق شام سات بجے پاکستان میں یکجہتی فلسطین کیلئے کام کرنے اور فلسطین کے مسائل کو جاگر کرنےوالے ادارے فلسطین فاؤنڈیشن کے زیر اہتمام "حمایت فلسطین میں پاکستانی نوجوانوں کاکردار”کے عنوان سے آن لائن کانفرنس میں پاکستان بھر سے نوجوان قیادت، محققین، جوان سماجی و مذہبی قیادت، نوجوان لکھاریوں نے مقبوضہ فلسطین کے حوالے سے مسائل کے حل اور فلسطین کو عالمی حمایت کے حصول سمیت صیہونی پنجوں سے نجات دلانے کی تجاویز پیش کیں۔