فلسطین فاؤنڈیشن پاکستان کے دفتر سے جاری ہونے والے ایک بیان میں فلسطین فاؤنڈیشن پاکستان کے رہنماؤں مظفر احمد ہاشمی،علامہ قاضی نورانی ،محفوظ یار خان ایڈووکیٹ اور مرکزی ترجما ن صابر کربلائی نے کہا ہے کہ فلسطین فاؤنڈیشن پاکستان کے مرکزی سرپرست رہنما شہید آغا آفتاب حیدر جعفری کی یاد میں تعزیتی اجتماع
اتوار چوبیس فروری کو ادارہ نور حق (جماعت اسلامی کے دفتر) میں شام ساڑھے چھ بجے منعقد ہو گا۔
فلسطین فاؤنڈیشن پاکستان کے رہنماؤں نے بتایا ہے کہ تعزیتی اجتماع میں ملک کی سیاسی ومذہبی جماعتوں کے رہنماؤں بشمول پاکستان پیپلزپارٹی کے سیکرٹری جنرل تاج حیدر،پاکستان مسلم لیگ نواز کے مرکزی رہنما سلیم ضیاء، جماعت اسلامی پاکستان کے رہنما اسد اللہ بھٹو،نسیم صدیقی اور مظفر ہاشمی،جعفریہ الائنس پاکستان کے سربراہ سینیٹر علامہ عباس کمیلی،جمعیت علماء پاکستان کے رہنما علامہ قاضی نورانی،علامہ عقیل انجم اور پاکستان عوامی مسلم لیگ کے رہنما محفوظ یار خان ایڈووکیٹ خطاب کریں گے۔