سابق رکن قومی اسمبلی مظفر احمد ہاشمی، علامہ قاضی احمد نورانی صدیقی، صابر کربلائی ، محفوظ یار خان اور علامہ صادق رضا تقو ی کا اظہار مذمت
کراچی( )فلسطین فاؤنڈیشن پاکستان کے مرکزی سرپرست رہنماؤں سابق رکن قومی اسمبلی و نائب امیر جماعت اسلامی کراچی مظفر احمد ہاشمی، ملی یکجہتی کونسل سندھ کے صدرا ور جمعیت علماء پاکستان کراچی کے صدر علامہ قاضی احمد نورانی صدیقی، مجلس وحدت مسلمین پاکستان صوبہس ندھ کے سیکرٹری جنرل علامہ صادق رضا تقوی، فلسطین فاؤنڈیشن پاکستان کے مرکزی ترجمان و سیکرٹری جنرل صابر کربلائی اور پاکسان عوامی مسلم لیگ کے مرکزی رہنما محفوظ یار خان ایڈووکیٹ نے حال ہی میں فلسطینی علاقے غزہ پر ہونے والی اسرائیلی حملوں کی شدید مذمت کرتے ہوئے عالمی برادری سے مطالبہ کیا ہے کہ غزہ پر صیہونی غاصب اسرائیل کے حملوں کو فی الفور بند کروایا جائے اور اسرائیلی جارحیت کے خلاف نوٹس لے۔
فلسطین فاؤنڈیشن پاکستان کے مرکزی رہنماؤں نے مسلم مملک کی حکومتوں کو شدید تنقید کا نشانہ بناتے ہوئے کہا کہ ایک طرف مظلوم فلسطینی عوام کو غاصب صیہونی ریاست اسرائیل دہشت گردانہ حملوں کا شکار بنا رہی ہے تو دوسری جانب فلسطین سے باہر موجود فلسطینی مہاجرینپر بھی اسرائیلی ایجنٹوں نے زندگی تنگ کر دی ہے، انہوں نے مطالبہ کیا کہ مسلم حکمران غاصب اسرائیل کے خلاف ایک صف میں کھڑے ہو جائیں اور شام میں فلسطینی مہاجرین کے یرموک کیمپ میں موجود ہزاروں فلسطینیوں کی مدد کے لئے عملی اقدامات کئے جائیں انہوں نے یرموک کیمپ کی ابتر صورتحال کا ذمہ دار شا م میں موجود دہشت گرد او ر باغی گروہوں کو قرار دیتے ہوئے کہا کہ یہ دہشت گرد گروہ در اصل غاصب صیہونی ریاست اسرائیل کے براہ راست ایجنٹ ہیں جن کا مقصد دنیا بھر میں فلسطینیوں پر مظالم ڈھانا ہے۔