(روز نامہ قدس ۔آنلائن خبر رساں ادارہ ) کشمیریوں کو انسان نہ سمجھنے والا بھارت مظلوم کشمیریوں کی آواز کو نہیں دبا سکتا، مشعال ملک
مقبوضہ جموں و کشمیر حریت رہنما یاسین ملک کی اہلیہ اور کشمیری رہنما مشعال ملک نے بھارت کے بہترویں یوم جمہوریہ کے موقع پر جاری کردہ اپنے ویڈیو پیغام میں بھارتی ریاستی دہشتگری کی شدید الفاظ میں مذمت کرتے ہوئے کہا ہے کہ بھارت کا یوم جمہوریہ کشمیری عوام یوم سیاہ کے طور پر منارہے ہیں۔
انہوں نے اپنے وڈیو پیغام میں کہا کہ ہندستان جو آج جمہوریت کا جشن منارہا ہے کشمیریوں سے آزادی سے جینے حتی کہ سانس لینے کا حق بھی چھین رکھا ہے کشمیریوں کے حقوق کو پامال کر تے ہوئے حریت رہنما یٰسین ملک کو تہاڑ جیل میں بند رکھا ہے جہاں ان کی جان کو سخت خطرہ ہے۔
مشعال ملک نے مزید کہا کہ بھارتی قید میں شہیدہونے والے کشمیریوں کی لاشیں نہیں دی جاتی کہ ہم انہیں دفنا سکیں، کشمیریوں کو انسان نہ سمجھنے والا بھارت مظلوم کشمیریوں کی آواز کو نہیں دبا سکتا اور ان کے حقوق کی پامالی کا یہ کھیل زیادہ عرصہ نہیں چلے گا ہمارے کشمیری نوجوان جن سے بھارت نے اپنی جیلیں بھر رکھی ہیں آزاد ہوکر رہیں گے ۔