(روزنامہ قدس ۔آن لائن خبر رساں ادارہ) وزیرخارجہ شاہ محمود قریشی نےکہا ہےکہ بھارت کی جانب سے مقبوضہ کشمیر میں عید پر مساجدکو تالے لگوا دیے گئے اور اب محرم میں تشدد کے مناظر پیش کیے گئے۔
ذرائع کے مطابق گزشتہ روزمقامی نشریاتی ادارے کی جانب سےجاری کردہ ایک بیان میں پاکستان کے وزیر خارجہ شاہ محمودقریشی نے کہا ہے کہ بھارت نے مقبوضہ کشمیر میں ظلم و ستم کی انتہا کر دی ہے۔
ان کاکہنا تھا کہ رواں ماہ بھارت نے مقبوضہ کشمیر میں پہلےعزاداروں کے جلوس کو نکلنے کی اجازت نہیں دی پھر شرکاء پر تشدد کیا گیا جبکہ رواں سال ہی بھارت کی بےحسی کا یہ عالم ہے کہ مقبوضہ کشمیر میں عید پر مساجد کو تالے لگوا دیے گئے جس کے باعث کشمیری مسلمان اپنے مذہبی تہوار کوبھی آزادی کے ساتھ منانے سے محروم رہے ہیں۔
ان کا کہنا تھا کہ محرم الحرام کے دوران یکجہتی کا ثبوت دینے پر تمام مکاتب فکر کا مشکور ہوں جبکہ دوسری جانب بھارت کی انسانیت سے گری ہوئی سرگرمیاں جہاں مساجد کو تالے لگوا دینا اور محرم میں تشدد کے مناظر پیش کرنا عام سی بات ہے باوجود اس کے بھارت یہ چاہتا ہے کہ مظلوم کشمیری بھارت کے ساتھ الحاق پر راضی ہوجائیں گے؟۔