(روز نامہ قدس ۔آنلائن خبر رساں ادارہ ) مقبوضہ جموںو کشمیر پر ناجائز قبضہ کر نے والی بھارتی حکومت کےجابر فوجیوں نے بے گناہ 60 سالہ کشمیری بزرگ کو اپنے ظلم کی بھینٹ چڑھادیا۔
کشمیر میڈیا سروس کے مطابق گذشتہ روز قابض بھارتی فوج نے ریاستی دہشت گردی کی وحشیانہ کارروائی کر تے ہوئے گھر گھر تلاشی کے دوران ضلع بارہ مولا کے علاقے اڑی میں مظلوم کشمیریوں کو گھروں سے نکال کر حراساں کیا جبکہ علاقے میں دہشت گردی پھیلاتے ہوئے اندھا دھندفائرنگ کی جس کے باعث 60 سالہ بزرگ کشمیری سرفراز احمد کو شہید کردیا۔
خیال رہے کہ قابض بھارتی فوج کشمیری علاقوں میں روزانہ کی بنیادپردہشت گردانہ کارروائیوں ،میں درجنوں بے گناہ کشمیریوں کو تلاشی کے بہانے گھروں سے نکال کر تشدد کرتی ہے اور انہیں کشمیری مجاہدین کے سہولت کار کہ کر اغوا کر لیتی ہے جس کے بعد ان مظلوم نوجوانوں کے بارے میں کسی کو پتہ نہیں ہوتا کہ وہ کہاں اور کس حال میں ہیں۔