(روز نامہ قدس ۔آنلائن خبر رساں ادارہ ) احتجاجی مظاہروں کے دوران بھارتی فورسز کے اہلکاروں کی جانب سے مظاہرین پر لاٹھی چارج کیا گیا جس میں تصادم کی کوریج کرنے والے تین صحافیوں پر بی جے پی کے غنڈوں نے حملہ کردیا۔
ذرائع کے مطابق گزشتہ روز مقبوضہ کشمیر میں بھارتی فوج کے ہاتھوں کل جماعتی حریت کانفرنس کے ورکنگ نائب چیئرمین غلام احمد گلزار ، جنرل سیکرٹری مولوی بشیر احمداور جموں وکشمیر ماس موومنٹ کے سیکرٹری اطلاعات عبدالرشید لون کےگھروں پر چھاپے مار کر گرفتاریوں کے خلاف احتجاجی مظاہرے کیے گئے ۔
عینی شاہدین کے مطابق احتجاجی مظاہروں کے دوران بھارتی فورسز کے اہلکاروں کی جانب سے مظاہرین پر لاٹھی چارج کیا گیا جس میں تصادم کی کوریج کرنے والے تین صحافیوں پر بی جے پی کے غنڈوں نے حملہ کردیااور صحافیوں کوتشدد کا نشانہ بنایا گیا تاہم پولیس کی جانب سے حملہ آوروں کے خلاف رپورٹ درج نہ کر نے پر صحافی برادری کی جانب سے پولیس کے ناروا سلوک کے خلاف دھرنا دیا گیا ۔
واضح رہے کہ بھارت کے زیر انتظام جموں کشمیر میں بلدیاتی الیکشن کے نتائج کا اعلان آئندہ کچھ گھنٹوں میں متوقع ہیں