فلسطین فاؤنڈیشن پاکستان کے وفد کی مظفر احمد ہاشمی کی سربراہی میں بیروت میں بین الاقوامی کانفرنس میں شرکت

لبنان کے دارالحکومت بیروت میں منعقد ہونے والی دو روزہ بین الاقوامی فلسطین کانفرنس میں 30سے زائد ممالک کے مندوبین نے شرکت کی اور اس بات پر زور دیا کہ فلسطین کی آزادی کے لئے عالمی تحریک چلائی جائے۔بیروت میں منعقدہ دو روزہ بین الاقوامی کانفرنس میں مشترکہ طور پر فیصلہ کیا گیا ہے کہ فلسطین کی آزادی کے حوالے سے ’’فلسطینیوں کی فلسطین واپسی‘‘ کے عنوان سے عالمی تحریک چلائی جائے گی جبکہ آئندہ ماہ مئی میں یوم نکبہ کو بھرپورانداز سے فلسطینیوں سیا ظہار یکجہتی کے لئے منایا جائے گا اور دنیا بھر میں فلسطینیوں کے حق واپسی کے بارے میں آواز بلند کی جائے گی۔

واضح رہے کہ لبنان کے دارلحکموت بیروت میں ہونے والی دو روزہ بین الاقوامی فلسطین کانفرنس کا اہتمام القدس ایسوسی ایشن لبنان نے کیا تھا جبکہ کانفرنس میں پاکستان سے مظفر ہاشمی،صابر کربلائی،لبنان سے ڈاکٹر حیدر دقماق،عبد المالک سکریہ،شیخ یوسف،شام سے ڈاکٹر خالد عبد المجید،فلسطین سے مولانا شیخ عبد اللہ کتمو،روس کی نادبزھادا،ارجنٹینا سے ڈاکٹر سہیل اسعد،عرب کانفرنس کے سابق سربراہ مراکش سے خالد السفیانی،کویت سے عبد اللہ ،کینیڈا سے علی ملاح،اردن سے سالم الصوص،مصر سے احمد الدبش،ترکی سے ارکان الغوز،تیونس سے احمد کحلاوی،ایران سے ڈاکٹر حسین اور سلیم غفوری،بحرین سے محمد الشھابی،یونان سے کریسولا،نائیجیریا سے داؤد عمران سمیت نبیل حلاق،یوسف یعقوب،محمد ابو العبد،ابو عمر،علی احمد،محمد طاہر،احمد حاج،حسن جعجع اور دیگر نے شرکت کی