فلسطین فاؤنڈیشن پاکستان کے زیر اہتمام غزہ پر صیہونی جارحیت اور معصوم انسانوں کے قتل عام کے خلاف احتجاجی مظاہرہ آج شام ساڑھے چار بجے کراچی پریس کلب کے سامنے کیا جائے گا۔واضح رہے کہ گذشتہ دنوں غاصب صیہونی ریاست اسرائیل کے دہشت گردانہ حملوں کے نتیجہ میں اب تک چالیس سے زائد بے گناہ فلسطین
معصوم بچے،خواتین اور متعدد افراد شہید اور سیکڑوں زخمی ہو چکے ہیں۔جبکہ غزہ سنہ 2007سے غاصب صیہونی ریاست اسرائیل کی دہشت گردانہ کاروائیوں کا نشانہ بنا ہواہے۔
فلسطین فاؤنڈیشن پاکستان کے احتجاجی مظاہرے سے جماعت اسلامی کراچی کے امیر محمد حسین محنتی،جمعیت علمائے پاکستان صوبہ سندھ کے جنرل سیکرٹری مولانا سید عقیل انجم قادری،پاکستان عوامی مسلم لیگ کے رہنما محفوظ یار خان ایڈووکیٹ اور مجلس وحدت مسلمین پاکستان کراچی کے سیکرٹری جنرل مولانا صادق رضا سمیت فلسطین فاؤنڈیشن پاکستان کے مرکزی رہنما خطاب کریں گے۔
