(روزنامہ قدس ۔آن لائن خبر رساں ادارہ) روس نے کہا ہے کہ مقبوضہ مغربی کنارے کو اسرائیل میں ضم کرنے کے اسرائیلی وزیر اعظم بنجمن نیتن یاھو کے اعلان سے خطے میں کشیدگی اور تناؤمیں مزید اضافہ ہوسکتا ہے۔
روسی وزیرخارجہ "سرگئی لاروف” نے مقبوضہ غرب اردن کو اسرائیلی میں ضم کرنے کے اسرائیلی منصوبے پر تشویش کا اظہار کرتے ہوئے کہا ہے کہ اسرائیلی وزیراعظم کے متنازع اور غیر ذمہ دارانہ بیان سے خطے میں تناؤ میں تیزی سے اضافہ ہوسکتا ہے اور اسرائیل اور اس کے عرب ہمسایہ ممالک کے مابین امن منصوبے کی امیدوں کو نقصان پہنچ سکتا ہے۔
خیال رہے کہ اسرائیلی وزیر اعظم بنجمن نیتن یاھو نے منگل کے روز مقبوضہ مغربی کنارے کے علاقے وادی اردن کو 17 ستمبر کو ہونے والے پارلیمانی انتخابات کے بعد اسرائیل میں ضم کردیں گے۔نیتن یاہو نے ٹیلیویژن خطاب میں کہا ، "ایک ہی جگہ ہے جہاں ہم انتخابات کے بعد ہی اسرائیلی خودمختاری کا اطلاق کرسکتے ہیں۔”روسی حکومت کا کہنا تھا کہ یک طرفہ اقدامات سے دو ریاستی حل کی مساعی کو بری طرح نقصان پہنچ سکتا ہے۔