اسرائیلی وزیراعظم بنجمن نیتن یاھو نے وزیر خزانہ یائر لبید اور وزیرانصاف زیپی لیونی کے استعفے منظور کرتے ہوئے پارلیمنٹ کی تحلیل اور ازسر نو انتخابات کی سفارش کی ہے۔
مرکز اطلاعات فلسطین کے مطابق اسرائیلی حکومت کے ایک ذریعے کا کہنا ہے کہ وزیراعظم نیتن یاھو نے اپنے پرنسپل سیکرٹری کو ہدایت کی ہے کہ وہ وزیرخزانہ اور وزیر انصاف کے استعفے منظور کرنے کے لیے تمام ضروری کارروائی مکمل کریں۔
ادھر اسرائیلی وزیراعظم نے اپنی حکومت میں پیدا ہونے والے اختلافات کے بعد پارلیمنٹ تحلیل کرنے کی سفارش کی ہے۔ انہوں نے کہا کہ موجودہ پارلیمنٹ متفقہ طور پر نہیں چل سکی۔ لہٰذا اسے تحلیل کرکے جلد از جلد نئے پارلیمانی انتخابات کرائے جائیں۔
بشکریہ:مرکزاطلاعات فلسطین