(روزنامہ قدس ۔آن لائن خبر رساں ادارہ) فلسطینی صدر نے وزیراعظم پاکستان عمران خان کی امریکہ کے دباؤ کے باوجود فلسطین کی کھلم کھلا حمایت پر شکریہ ادا کرتے ہوئے کہا کہ مملکت پاکستان ہر پاکستانی کی طرح فلسطینیوں کے لیے بھی فخروعزت کا باعث ہے۔
ذرائع کے مطابق گزشتہ ہفتے وزیر اعظم عمران خان کی جانب سے جاری کردہ مشرق وسطیٰ کے معاملات پر نظر رکھنے والی ویب سائٹ مڈل ایسٹ آئی میں شائع ہونے والے بیان پر اظہار تشکر کرتے ہوئے فلسطینی صدر محمود عباس نے کہا ہے کہ مملکت پاکستان ہر پاکستانی کی طرح فلسطینیوں کے لیے بھی فخروعزت کا باعث ہے۔
فلسطینی صدر نے وزیراعظم پاکستان عمران خان کا امریکا کے دباؤ کے باوجود فلسطین کی جدوجہد سے متعلق پاکستان کے غیر متزلزل مؤقف پر اُن کا شکریہ ادا کرتے ہوئے کہا کہ فلسطینی کاز سے متعلق پاکستان کی حمایت اور غیرمتزلزل مؤقف قابل تحسین ہے جبکہ ان حالات میں جہاں عرب ممالک نے اسرائیل امن معاہدہ کرکے فلسطینیوں کی جدوجہد آزادی کی کوششوں کو نقصان پہنچایا ہے ۔
صدر محمود عباس نے پاکستان کی ترقی و کامیابی، پاکستانی حکمرانوں اور پاکستانی عوام کے لیے نیک خواہشات کا بھی اظہار کیا۔