فلسطین نیوز۔مرکز اطلاعات) فلسطین کے ایک نوجوان آرٹسٹ نے اپنے فن کا مظاہرہ کرتے ہوئے ایک ایسی روٹی تیار کی ہے جو کئی سال تک خراب ہونے سے محفوظ رہ سکتی ہے۔ فلسطینی آرٹسٹ کے اس منفرد کارنامے کو گینز بک آف ورلڈ ریکارڈ میں شامل کیا گیا ہے۔
رپورٹ کے مطابق ہونہار فلسطینی نوجوان آرٹسٹ ھانی خوری کچھ عرصہ سے دنیا کی اس منفرد روٹی کا ڈیزائن تیار کرنے میں مصروف تھے۔ حال ہی میں انہوں نے غزہ کی پٹی، مغربی کنارے اور شمالی فلسطین کی بعض شہری حکومت اور غرب اردن سے نشریات پیش کرنے والے ایف ایم ریڈیو چینل کے تعاون سے زمین پرروٹیوں کا ایک بہت بڑادسترخوان بچھایا جس پر روٹیاں رکھی گئیں۔ھانی خوری کا کہنا ہےکہ اس کے اس منفرد تجربے کا مقصد عالمی برادری کو بھوک اور قحط کے شکار لوگوں کی مشکلات کی جانب متوجہ کرنا ہے کیونکہ روزانہ کرہ ارض پر صرف بھوک سے 1 لاکھ افراد لقمہ اجل بن جاتے ہیں۔
فلسطینی فن کار نے زمین پر بچھائے دستر خوان پر روٹیوں کے ذریعے طہ محمد علی نامی ایک فلسطینی مصنف کا خاکہ بنایا تاکہ محمد علی کی خدمات کو خراج عقیدت پیش کیا جاسکے۔ خیال رہے کہ طہ محمد علی نے اپنی کتب میں بھوکے، ننگے،محتاج اور غریبوں کو موضوع بنایا ہے۔