فلسطینی وزیر اعظم اسماعیل ھنیہ نے اردن کے ایک معروف صوفی بزرگ شیخ حامد ابو غزالہ کی غزہ آمد پر انکا پرتپاک استقبال کیا ۔ اس موقع پر حماس کے وزیر اعظم کاکہنا تھا کہ اردن اور فلسطین کی قوموں کے مابین تعلقات مضبوط بنیادوں پر استوار ہیں اور دونوں قومیں یک جان دو قالب کی مانند ہیں۔اس موقع پر معروف صوفی بزرگ نے وزیر اعظم کو اسرائیل کے ساتھ حالیہ معرکے میں شاندار کامیابی پر مبارک باد پیش کی۔شیخ حامد ابو غزالہ نے اردن کے فرماں روا کنگ عبد اللہ بن حسین اور اردنی قوم کی جانب سے فلسطینی وزیر اعظم کو چودہ تا اکیس نومبر آٹھ روزہ صہیونی بمباری کے دوران مزاحمت کاروں کے ”کنکر کے پتھر” نامی آپریشن میں کامیاب ہونے پر ان کو مبارک باد پیش کی۔ ابو غزالہ نے فلسطینی قوم کی قابض اسرائیل کے خلاف جدوجہد اور ثابت قدمی کو خراج تحسین پیش کیا ۔ انہوں نے اردن کی جانب سے فلسطینی قوم کی حمایت و نصر ت جاری رہنے کی یقین دہانی بھی کرائی۔دوسری جانب اسماعیل ھنیہ نے غزہ کا دورہ کرنے پر شیخ حامد ابو غزالہ کی شکریہ ادا کیا اور کنگ عبد اللہ کی جانب سے تہنیتی پیغام پر ان کو بھی خراج تحسین پیش کیا۔ اسماعیل ھنیہ نے کہا کہ اردنیوں او ر فلسطینیوں کے مابین تعلقات انتہائی سنجیدہ اور ٹھوس بنیادوں پراستوار ہیں جنہیں ختم نہیں کیا جا سکتا۔
بشکریہ:مرکزاطلاعات فلسطین
