فلسطین کے مغربی کنارے کے جنوبی شہر الخلیل میں ہفتے کے روز کریات اربع کالونی کے قریب فائرنگ کے واقعے میں ایک اسرائیلی فوجی شدید زخمی ہوگیا۔ کالونی کے قریب فائرنگ اور دھماکوں کی آوازیں بھی سنی گئی ہیں۔
اسرائیل کے عبرانی ذرائع نے بتایا کہ ایک اسرائیلی فوجی کو کریات اربع کے قریب ایک فلسطینی شہری الرجی کے مقام کے عقب میں فائرنگ سے نشانہ بنایا گیا۔ اسرائیلی میڈیا کے مطابق زخمی ہونے والا ایک فوجی اہلکار ہے جسے اسپتال منتقل کیا گیا ہے تاہم اس کی حالت تشویشناک بیان کی جاتی ہے۔عینی شاہدین کا کہنا ہے کہ انہوں نے ایمبولینس میں ایک فوجی اہلکار کو لے جاتے دیکھا ہے۔ اسرائیلی فوج کے ایک دوسرے ذریعے کا کہنا ہے کہ فائرنگ کسی فلسطینی کی جانب سے نہیں بلکہ زخمی ہونے والے فوجی کے ایک ساتھی کی جانب سے غلطی سے کی گئی تھی۔
فائرنگ کے واقعے کے بعد اسرائیلی فوجیوں نے کریات اربع کے قرب وجوار میں موجود فلسطینی شہریوں کےگھروں پر چھاپے مارے ہیں تاہم کسی شہری کی گرفتاری کی اطلاع نہیں ملی۔