رپورٹ کے مطابق اسرائیلی حکومت کی جانب سے جاری ہونے والے ایک تازہ بیان میں کہا گیاہے کہ برازیل کی جانب سے سفیر کی تقرری کے کاغذات مسترد ہونے کےباوجود تل ابیب ڈانی ڈایان کو سفیر مقرر کرنےکے فیصلے پرقائم ہے۔
اسرائیلی وزارت خارجہ کے ترجمان عمانوئیل نخشون نے ایک بیان میں کہا کہ عین ممکن ہے کہ اگر برازیل کی جانب سے لچک کا مظاہرہ کرتے ہوئے ڈانی ڈایان کو اپنے ہاں سفیر قبول نہ کیا تو اسرائیل کو نئے نام کا اعلان کرنا پڑے گا۔ انہوں نے کہا کہ ہم ابھی تک اس فیصلے پرقائم ہیں کہ برازیل کو ڈانی ڈایان ہی کو اسرائیل کاسفیر قبول کرنا ہوگا۔
خیال رہے کہ اسرائیلی وزیراعظم بنجمن نیتن یاھو نے ایک سال قبل ڈانی ڈایان نامی ایک سخت گیر یہودی لیڈر کو برازیل میں اپنا سفیر مقرر کیا تھا مگر برازیل کی حکومت نے ڈایان کو اپنے ہاں بہ طور سفیر قبول کرنے سے انکار کردیا تھا۔
ڈانی ڈایان غرباردن میں یہودی کالونیوں کی کونسل کا سابق چیئرمین ہے جو محکمہ خارجہ کے کئی اعلیٰ عہدوں پربھی کام کرچکا ہے۔ اسے فلسطین میں یہودی آباد کاری کا سب سے بڑا پرچارک سمجھا جاتا ہے۔ یہی وجہ ہے کہ برازیل کی حکومت نے اسے اپنے ہاں سفیر کے طورپر خدمات انجام دینے کے لیے قبول کرنے سے انکار کردیا ہے۔